Presentación de la Asociación La Llastra

Presentación de la Asociación La Llastra

Publicada por Redacción Búscolu el 30/09/2019 20:51:12

Esti pasáu domingu 29 de setiembre tuvo llugar na playa La Griega la puesta en llargu de l´asociación Cultural y Mediuambiental colunguesa La Llastra. Una trentena de persones xuntáronse nel arenal colungués pa retirar residuos na primera sestaferia organizada pola asociación, pa dempués disfrutar d´una espicha nel mesmu arenal.

L´asociación fúndase nel conceyu Colunga col oxetivu de promover y difundir el respetu pol nuestru mediu ambiente y la nuestra cultura. L´asociación pretende collaborar y participar xuntu a los ciudadanos y ciudadanes colungueses, los centros educativos, demás asociaciones y, por supuestu, l´ayuntamientu de Colunga, pa poner el so granu d´arena por consiguir estos oxetivos.
Ente otros, pretendemos recuperar y promover tradiciones típiques del conceyu, afalagar l´usu del asturianu, organizar sestaferies pa recuperar o llimpiar espacios naturales, organizar eventos culturales y involucrar a los más mozos en toes estes actividaes.

Yera la intención de La Llastra presentase pente medies d´una actividá como la sestaferia d´esti domingu en vez de con simples intenciones verbales y pretendemos organizar actividaes a lo llargu de tol añu a les qu´invitamos a tolos/les colungueses y tou aquel que quiera acudir.


Comentarios

No hay comentarios a esta noticia

Deja tu comentario